विश्वव्यापी रुपमै बढ्यो कोरोना संक्रमण, मृत्युदर पनि बढ्दै

काठमाडौंः वर्ल्डोमिटर्सका अनुसार पछिल्लो २४ घण्टामा अमेरिकामा १ लाख ५ हजार ४७५ जना नयाँ संक्रमित थपिएका छन्।

यही अवधिमा ब्राजिलमा ५६ हजार २५४, भारतमा १६ हजार ४३, फ्रान्समा ८९ हजार ९८२, इटालीमा ८६ हजार ६७ र दक्षिण कोरियामा ७६ हजार ३७८ जना नयाँ संक्रमित थपिएका छन्।

कोरोना भाइरस संक्रमणका कारण पछिल्लो २४ घण्टामा विश्वमा १ हजार ६२७ जनाको मृत्यु भएको छ । योसँगै कोरोनाका कारण मृत्यु हुनेको संख्या ६३ लाख ९३ हजार ८७५ पुगेको छ।

कोरोना संक्रमित भएकामध्ये विश्वभरीमा हालसम्म ५४ करोड १५ लाख २५ हजार ९६२ जना संक्रमणमुक्त पनि भइसकेका छन्।