कुकुरको जन्मदिनमा भव्य पार्टी, सय केजीको केक ४ हजार पाहुना
नयाँदिल्ली: मानिसको प्रिय साथी कुकुरलाई खुसी बनाउन मानिसहरुले विभिन्न क्रियाकलाप गर्छन्। यस्तै, भारतका एक व्यक्तिले आफ्नो कुकुरलाई खुसी बनाउन निकै रोचक तरिका अपनाएका छन्।
भारतको कर्नाटकका एक व्यक्तिले आफ्नो कुकुर कृषको जन्मदिनमा ‘ग्रान्ड सेलिब्रेसन’ गरेका छन्। शिभप्पा यलप्पा मराडीलेले आफ्नो कुकुरको जन्मदिनमा सय किलो केक ल्याए र ४ हजार पाहुना बोलाएर भोजभतेर पनि गरे। जन्मदिन मनाएको भिडियो सोसल मिडियामा चर्चाको विषयसमेत बनेको छ।
उक्त भिडियोमा एउटा टेबलमा ठूलो केक राखिएको देखिएको छ। शिभप्पाले आफ्नो कुकुरसहित सय केजी केक काटिरहेको पनि देखिन्छ। एएनआईका अनुसार उक्त कार्यक्रममा लगभग चार हजार पाहुनालाई आमन्त्रण गरिएको थियो। जन्मदिन मनाइरहेको उक्त भिडियो जुन २३ तारिखमा ट्वीटरमा प्रकाशित भएको छ।
Dog Birthday Celebration :ಸಾಕು ನಾಯಿ ಹುಟ್ಟುಹಬ್ಬಕ್ಕೆ 100 ಕೆ.ಜಿ ಕೇಕ್! ||Karnataka Tak||#dogbirthday #doglover #belagamnews pic.twitter.com/csbjx2NDeo
— Karnataka Tak (@karnataka_tak) June 23, 2022
