नेप्से परिसूचक उच्च अङ्कले घट्यो
काठमाडौँ: धितोपत्र बजारमा शेयर कारोबार मापक नेप्से परिसूचक आज उच्च अङ्कले ओरालो लागेको छ। शेयर कारोबार मापक नेप्से परिसूचक ८४.९० अङ्कले ओरालो लागेर दुई हजार २६५.५२ मा ओर्लेको छ। यस्तै, ठूला कम्पनीको शेयर कारोबार मापन गर्ने सेन्सेटिभ परिसूचक १५.२८ ले ओरालो लागेर ४३८.६८ मा सीमित भएको छ।
कारोबार भएका २२१ कम्पनीको ३५ लाख ९५ हजार ७४८ कित्ता शेयर एक अर्ब ६४ करोड ४० लाख ९६ हजार १९३ मूल्यमा खरिद बिक्री भए। कारोबार भएका कूल १३ उपसमूहको शेयर मूल्य ओरालो लागेको छ। बैङ्किङ ३७.९५, व्यापार ६०.८६, होटल तथा पर्यटन ७७.०८, विकास बैंक १६३.६९, जलविद्युत् १४२.५, वित्त १०१.८७, निर्जीवन बीमा ४८५.८१, उत्पादन ११३.१९, अन्य १०९.५५, लघुवित्त १४३.२८, जीवन बीमा ५९२.५९, सामूहिक लगानी कोष ०.२४ र लगानी २.५९ अङ्कले ओरालो लागेको छ।
कारोबारका आधारमा जाल्पा सामुदायिक लघुवित्त शीर्ष स्थानमा छ। सो कम्पनीको नौ करोड ७९ लाख नौ हजार ५१३ बराबरको कारोबार भयो। त्यस्तै, अरुण भ्याली हाइड्रोपावर पाँच करोड ६९ लाख ५१ हजार १२७, सानिमा माई हाइड्रोपावर पाँच करोड ५६ लाख ३४ हजार २७९, सूर्य लाइफ इन्सुरेन्स पाँच करोड ५२ लाख ६५ हजार १८१ र माथिल्लो तामाकोसी पाँच करोड १९ लाख ७२ हजार बराबरको कारोबार भई शीर्ष पाँचभित्र पर्न सफल भए।
नेप्सेका अनुसार सामुदायिक लघुवित्त ४.९६, बोटलर्स नेपाल २, एनआइबिएल समृद्धि फन्ड १.६६, सनराइज फस्ट म्युचुअल फन्ड १.०४ र एनएमबी ५० का लगानीकर्ताले ०.९३ प्रतिशतले कमाए। त्यस्तै, युनाइटेड इन्सुरेन्स, लुम्बिनी जनरल इन्सुरेन्स र सूर्योदय बोमी लघुवित्तका लगानीकर्ताले १० प्रतिशतले गुमाए। बुद्धभूमि नेपाल हाइड्रोपावर ९.८४ र इमर्जिङ नेपाल ९.५६ प्रतिशतले गुमाए।
