पछिल्लो २४ घण्टामा देशभर ७४७ संक्रमित थपिए, ८ को मृत्यु

धनगढी : पछिल्लो २४ घण्टामा देशभर ७४७ जना कोरोनाभाइरसका नयाँ सक्रमित थपिएका छन्। सोही अवधिमा २३१९ जना निको भएर घर फर्किएका छन। यस्तै सो अवधिमा ८ जनाले ज्यान गुमाएका छन्। स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ८ हजार ६९६ जनामा नमुना परीक्षण भएको थियो। 

यससँगै देशभर कोरोना संक्रमितको कुल संख्या पीसीआर विधिबाट भएको परीक्षणमा ९ लाख ९३ हजार ५४१ जना र एन्टिजेन विधिबाट भएको परीक्षणमा १ लाख ३७ हजार ६७७ जना पुगेको छ। संक्रमितमध्ये हालसम्म ९ लाख ४० हजार ९०२ जना निको भएका छन्। 

यस्तै हालसम्म कोरोनाबाट कुल ११ हजार ९०० जनाको मृत्यु भएको छ। हाल देशभर २० हजार ७३९ जना सक्रिय संक्रमित रहेका छन्।