कञ्चनपुरमा ठगी र चोरी मुद्धाका २ जना कसुरदार पक्राउ

कञ्चनपुर: कञ्चनपुर प्रहरीले ठगी र चोरी मुद्धाका २ जना कसुरदारलाई पक्राउ गरेको छ। पक्राउ पर्नेमा बेदकोट नगरपालिका–८ गयलनदी बस्ने २६ वर्षीय करन विष्ट र कृष्णपुर नगरपालिका–४ का खडकबहादुर रावल रहेको जिल्ला प्रहरी कार्याललय कञ्चनपुरका डिएसपी सिद्धराज न्यौपानले बताए।  

ठगी मुद्धामा विष्टलाई जिल्ला अदालतले २०७५ पुष २४ गते १ महिना कैद र एक हजार जरिमानाको सजाय सुनाएको थियो। यस्तै चोरी मुद्धामा रावललाई २०४९ बैशाख १८ गते अदालतले १ वर्ष १५ दिन कैद र ६३ हजार जरिमानाको सजाय सुनाएको थियो।

फैसलापछि फरार रहेका दुवै जनालाई पक्राउ गरि अदालतमा पेश गरिएकोमा अदालतले कैद भुक्तानका लागि कारागार चलान गरेको जिल्ला प्रहरी कार्यालय कञ्चनपुरले जनाएको छ।