अछामको बान्निगढी गाउँपालिकाले कृषकहरुलाई राहत वितरण गर्दै
धनगढी: अछामको बान्निगढी जयगढ गाउँपालिकाले कृषकहरुलाई राहत वितरण गर्न थालेको छ।
गाउँपालिकाले गत भाद्र २ गते तथा विभिन्न समयमा आएको बाढिले बाली बगाएका कृषकहरुलाई राहत वितरण गर्न थालेको हो।
गाउँपालिकाको विपद व्यवस्थापन कोषबाट चामल, दाल, नुन, तेल जस्ता खाद्यान्न खरिद गरी वडा नम्बर ६ दर्नाका १ सय ५४ जना कृषकलाई राहत वितरण गरिएको बताइएको छ।
कृषकहरुले खेत तथा खेतमा लगाइएका बालीमा थप क्षती हुन नदिन दिगो उपाय खोज्न एवम् कैलाशखोला आसपासका क्षेत्रमा तटबन्ध गरिदिन आग्रह गरेका छन्।