अछाममा ७६ वटा प्रसुती केन्द्र

धनगढी: अछाममा प्रसुती केन्द्र अर्थात बर्थिङ् सेन्टर ७६ वटा पुगेका छन्। 

जिल्लामा २ वटा शल्यक्रिया सेवासहितका बृहत आकस्मिक प्रसुती केन्द्र र ७४ वटा प्रसुती केन्द्र रहेको बताइएको छ। ७६ औं वर्थिङ सेन्टरमा मेल्लेख गाउँपलिका ४ कुस्कोटस्थित कुयडामा पछिल्लो समय स्थापना गरिएको प्रसुती केन्द्र रहेको छ। 

जिल्लामा प्रसुती केन्द्र वृद्धिसंगै स्वास्थ्य संस्थामा प्रसुती हुनेको संख्या पनि बढिरहेको बताइन्छ। जसअनुसार कुनैबेला स्वास्थ्य संस्थामा प्रसुती हुने महिला ४० प्रतिशतभन्दा कम रहेकामा अहिले त्यो वृद्धि भई ७५ प्रतिशत पुगेको जनाइएको छ।