दार्चुलामा आजदेखि शिवरात्रि मेला
२०७७ फाल्गुन २७, ०५:३२
धनगढी: महाशिवरात्रिको अवसरमा दार्चुलामा आजदेखि मेला लागेको छ ।
दार्चुलाको शैल्यशिखर नगरपालिकाको वडा नम्बर ९ गोकुलेश्वरमा आजदेखि ५ दिनसम्मका लागि शिवरात्रि मेला लागेको हो ।
मेलामा जिल्लाको स्थानीय उत्पादनको व्यापार गरिने भएकाले यो वर्षको मेलामा निगालोबाट उत्पादित सामग्रीको व्यापार गरिने बताइएको छ ।
कुलेश्वरको चौलानी नदी किनारमा लाग्ने मेलामा दार्चुला, बैतडी र बझाङका स्थानीय उत्पादनको कारोवार हुने गरेको बताइन्छ ।
हरेक वर्ष शिवरात्रिका दिनदेखि लाग्ने यो मेला आर्थिक तथा धार्मिक रुपले महत्वपूर्ण मानिदै आएको छ।
कमेन्ट लोड गर्नुस