कञ्चनपुरको बेलडाँडीमा शिवरात्रीको अवसर पारी साँस्कृतिक महोत्सवको आयोजना
धनगढी: कञ्चनपुरको बेलडाँडीमा महाशिवरात्रीको अवसर पारी साँस्कृतिक महोत्सवको आयोजना गरिने भएको छ।
बेलडाँडी गाउँपालिकाको चवन्नी बजार व्यवस्थापन समितिले बेलडाँडी साँस्कृतिक महोत्सव २०७७ को आयोजना गर्ने भएको हो ।
आयोजकका अनुसार चवन्नी वजारको खुला मञ्चमा फागुन २७ गते र २८ गते दुई दिन महोत्सव सञ्चालन गरिने छ ।
महोत्सवमा स्थानीय कलाकारका साथै अराज केशव गिरी, देउडा गायिका रेखा जोशी र चेतन बोहराको प्रस्तुती रहने छ ।
महोत्सव सञ्चालनका लागि गाउँपालिकाले पनि सहयोग गर्ने बताइएको छ । यसैगरी बेलौरी नगरपालिका- १० शिवनगरमा पनि फागुन २६ र २७ गते मेला लाग्ने बताइएको छ ।