कञ्चनपुरका उखु कृषकलाई अनुदानमा कृषि यन्त्र वितरण
धनगढी: कञ्चनपुरका उखु कृषकहरुलाई अनुदानमा कृषि यन्त्र तथा उपकरण वितरण गरिएको छ ।
कृषकहरुको लागत मुल्य घटाएर उत्पादन र उत्पादकत्वमा वृद्धि गरी आयात प्रतिस्थापन र निर्यात प्रवर्द्धन गर्ने उद्देश्यले समितिमा आवद्ध व्यावसायिक उखु कृषकहरुलाई कृषि यन्त्र तथा उपकरण वितरण गरिएको बताइएको छ ।
सुदूरपश्चिम प्रदेश सरकारको मुख्यमन्त्री एकीकृत कृषि तथा पशुपन्छी विकास कार्यक्रम र कृषि ज्ञान केन्द्र कञ्चनपुरद्वारा सञ्चालित मुख्यमन्त्री नमुना कृषि गाउँ (उखु) कृषक समन्वय समिति लालझाडीले कृषकहरुलाई सो सामाग्री वितरण गरेको हो ।
कृषि ज्ञान केन्द्र कञ्चनपुरका अनुसार उन्नत जातको उखु खेतीलाई प्रवद्र्धन गर्न ज्ञान केन्द्रले बिउविजन, मलखाद, विषादी, कृषि औजार वितरणसँगै आवश्यक सहयोगका लागि कृषि प्राविधिक पनि खटाएको छ ।
नारायण अवस्थी दिनेश खबरका संवाददाता हुन्। उनले समसामयिक विषयमा कलम चलाउछन्।