कैलालीमा मोटरसाइकलको ठक्करबाट १ जना घाइते
२०७७ कार्तिक १५, ०९:३४
धनगढीः कैलालीमा मोटरसाइकलको ठक्करबाट १ जना घाइते भएका छन् ।
पूर्वपश्चिम राजमार्ग अन्तरगत जिल्लाको गौरीगंगा नगरपालिकाको चौमालामा से १ प ६२१९ नम्बरको मोटरसाइकलको ठक्करबाट वडा नम्बर २ कटानपुर बस्ने ७० वर्षीया कुलदेवी साउद घाइते भएको प्रहरीले जनाएको छ ।
प्रदेश ट्राफिक प्रहरी कार्यालय अत्तरियाका अनुसार घाइते साउदको टाउको र बाँया खुट्टामा चोट लागेको छ ।
उनलाई उपचारका लागि नेपालगञ्ज रेफर गरिएको छ ।
मोटरसाइकल चालक गौरीगंगा नगरपालिका वडा नम्बर २ कै २३ वर्षीय घनश्याम चौधरीलाई इलाका प्रहरी कार्यालय चौमालाले नियन्त्रणमा लिएको छ ।
कमेन्ट लोड गर्नुस