डश्या आगिल, थारु समुदायमे डश्याक् महत्व

-रोहित कुमार चौधरी

कटहुन गैलो गाँवकी गवँलिया सँगकी सहेलिया री ।
सखी र ! आओ जाई सखिया डहिया न ब्याँच ।।
असिकई नेगहो री सखिया भाउँ मटकैहो री ।
सखी र ! माठकई टिकुली मरैहो री टलका ।।

                      (थारु, २०६३ः २६८)

हा¥या गुरै कर्लसे कोकन्टुराई सेक्क थारु बठ्न्याओं डुठो समुह बन्क मालाजोरी सख्या नाच नस्ठ । सुरु कर्ना दिन कोंह्रा कब्लीक पट्याले डश्यक नाच सुरु कर्ठ । थारु ठँ¥याहुँक्र ड्राउँ घड्राउँ नक ड्राउँ घड्राउँ, मन्ड्रा बजैठ । गोचाली, डश्या मन्ना पुरान चलन महाँ चौकस रह । कुँवारक् अमावस क ड्वासर दिन कोक्नी व जौक् जिउँरा ढरना चलन बा । उह दिनसे सक्कु थारुन्क घरम परंम्परासे डश्या पैंठल कठ ।
ओसिक ट डशैंह्याँ सामा दुई पाख आघसे कर भिरजैठ । “पिट्टर डिहकला मड बैसइना लिठ्ठर कुरी रिझैठ । कुरी बन्लसे सोन्जाइ डारक पिट्टर डेना मड बैसाक छुट्ट भाँरम डिउह्रार कोन्टी नुकाक ढरल रठा । पहुना पाछिन गाउँ गँवलेन खैना पिना डेना पूजाआँटि कर्ना नम्हेरिक व सँख्वक् पट्या टुर बन्न्वाँ जैठ । पिठा फट्कना लौव ढच्च्या गोन्ड्रि बिन्ना लौव लौला सस्रार मान जैना सटरङके नेङ्गाइल पन्ह्वाँ डारल ढच्च्या गोन्ड्रि बिन्ना, रङ्गिन सनक सुट्रिले मच्च्या भँङ्ना चलन रह । यी हर्चालि करबेर ठारुहुँक्र बर्कीमार गैठ । डश्या नि ओराइटसम् बर्किमार गैना चलन बा । बर्किमारक संम्ह्रौटीक् एक अँख्राः

पुरुब मै सामिरौ सुरज भरार, पछिऊँ सामिरौ डेबी र अउटार
उट्टर मै सामिरौ हरि कबिलास, लंका री पवन सामिरौ हनुमान
भगमोटि सरन लेहबुँ टोर नाम डेबी ढरम डेबी बन्ढन बा ।
                  (थारु, २०६३ः २८५)

दिनरात थारुहुँक्र पहर पहरम बर्कीमार गैना चलन बा । डशैंह्या सख्या नाचक् गीत व बर्कीमारक् गीतक् शब्दले टिनटिरलोक चौढ भवन बडा चैनारसे गुँञ्ज्रटी रठा । पुर्खनके बटकोही सुनबेर जब हा¥या गुरै कर्ठ टब से डेशबन्ढ्या गु¥र्वा सक्कु डेउडुर्गा (पिटृ) हुँकन दुर्गा सुरु हुइल नवमीक बिहान पिट्टर खाए अइहो कैक न्युटा डेठ ओ उहडिन पिटृ टीका लगाक डश्या ओराइठा टफे लौव लौला जिउँरह्वा डमन्डोह दशपूर्णिसम लाल टीका लगाक सम्मान कर्ना चलन बा ।

पृथ्वीलोक परलोक ओ पाटाललोकम रहल सक्कु देवी डिउँटावनह थारु जात आपन पिटृनक आट्मशान्ति, स्वयं आपन ओ भावी सन्ताक शान्ति सुरक्षा करक लाग गीतके रागले रात दिन पुकारा कर्ठ, बिन्ती चह्रैठ टर अचम्म हनुमानक नाउँ बाहेक भगवान राम ओ रावनक नाउँक प्रसंङ्ग उठैबो नि कर्ट यी अनुसन्धानक बाँकी अँट्रा छुटल बा गोचाली ।

गैरथारु (क्षेत्री÷ब्राह्मण) हँुक्र दुर्गा सुरु बिन्हुइल सोह्रश्राद्धक तिथि अमावस सम आपन पिटृहुँकन सोह्र दिन भिट्टर पिण्ड डे सेक्ठ । औंसी हुइलक ड्वासर दिन दुर्गा कवज पह्र सुरु कर्ठ । महाअस्टमिक दिन बोका बली चह्रैठ दुर्गा भवानीह । दशमीक दिन भगवान राम, राक्षस रावनक राज्य हरन कैक रावनक ज्यान मारक लराई जिट्लक् डशवाँ दिन मिठ मिठ खैना बनाक खैना ओ हर्षउल्लासम खुशी सुखी होक घरक् सबसे मुली बरा सदस्यसे लाल टीका ग्रहण कैक “बिजया दशमी” मनैठ ।

त्रेता युगसे थारु ओ गैरथारुहँुक्र फरक–फरक तरिकाले डश्या मनैटी आइल परम्परा इतिहास जान मिलट । थारु समुदायम हा¥या गुरै कर्लक दिनसे आपन शाखा सन्तानके जीउधन, बालीनाली पशुपंछीके रक्षा करकला सारा देवी डिउँटावनसे एक महिनासम गीतक राग अलाप्क हारगुहार मङ्ठ । धर्मके पक्षपाती कान्हा, पाण्डो भाई ढर्मराज युढिष्ठिर, भिवाँ, अर्जुन, नहकुल ओ सहदेव हुँकन भुँइह्यार ठन्ह्वाम बास डेक पुजा कर्ना बाचा सहित दुर्गादेवी, सरस्वती माता, महादेव पार्वती सब्जहन्से बिरहक् गीतले अलाप्बिलाप् कर्टी रातदिन बिन्टी कर्ठ । हमार रक्षा करो ! रक्षा करो ! जस्टः बर्कीमारक् आँख्रा :

सरस्वती सामिरौं गोहीयासँग साथ,
चौरासी कोइलर सामिरौं बन अमराई
सवारी लाख गोहीया खेल खेला
भगमोटी सरन लेहबु टोर नाम
           000
पाँचो पण्डावँ डेब सामिरौं हमरी मेररिक करो रक्षापाट
भूट डूट लाग जीनी डेओ भगमोटी सरन लेहबु टोर नाम
जटि डेब जननु मै लेहनु र नाम, सबहुँ डिउँटा नाम नही जननु
सबहँु डिउँटा स्यावा लेओ, भगमोटी सरन लेहबुँ टोर नाम
       (थारु, २०६३ः २८६/२८७)

असिक सक्कुओरसे देउडुर्गन्क बिच सुरक्षा घेराम रहक डश्या मनैना बाचा कर्ठ थारु समुदाय । आमलोकसे सँगसँग दशमीक दिन थारु डश्या नै मनैठ ओ लालटीका नै स्वीकर्ठ । कारण का ? आपन जाटिन्क सँस्कार ओ परम्पराअनुसार टैटिहार मनैना आपन आपन टौरटरिका बा । तरिका फरक पर्ना कुछ न कुछ कारण अवस्य रहट । काकर की यी संसारके इटिहास युद्धले रचल इतिहास हो । चाहे धार्मिक हो या राजनीतिक । शान्ति त अलप्ना नारा केल हो । डान्चे दिमाग चलाइजे गोचाली ।

डश्या का कर मनैठ । आर्य समाजक् परिभाषा अन्सार, त्रेता युगम भगवान राम ओ लंकाके राजा रावनके बिच भारी लराइ हुइल । कुँवार महिनक अमावसके दिनसे नवमीक खिनसम् लराई चलल् रह । रावन ह हराक राजपाठ सक्कु कब्जा करल ओरसे डशमीक दिन भगवान रामके बिजय उट्सव्म जयजयकार करटि “बिजया दशमी” मनैना निर्णय कर्ल ओ मनैल फे । आजसम् यीह तिथिम डश्या मनैटी अइलक् परम्परा कायम हुइलक इतिहास जानकारी मिलठ ।

के हो राम ? के हो रावन ? राम सूर्यबंशी क्षेत्रीयक सन्तान हुइट । रावन असुर जातिक सन्तान । “थारुहरु असुरका सन्तान हुन” (टेकनाथ गौतम, थारु पुरान) राम राज्य देवहरुको राज्य हो (रामायण) । लंका असुर रावनको राज्य हो (रामायण) । त ! राम ओ रावनके झगरक गाँठ कसिक परगैल ।

डान्चे उँ¥वा बिट्ख्वारबेर
१) रावनके बाबा बिद्वान ऋषि ब्राह्मण रहिन । डुइठो डाइ रहिन । बर्की डाइ बहुन्या रहिन, आपन डाइ असुरके बेट्या रहिन । बहुनेक ओरसे एक भाई कुबेर ओ रावनहुँक्र तीन भाई रहिट । रावन, बिभिषण ओ कुम्भकर्ण ओ एक बहिन्या शुपर्णखा । त ! रावनके बाबा आपन सक्कु सम्पत्ति धनदौलत बर्की डाइक छावा कुबेर ह डे डेलन । रावनके तीनु भाइन् फकिर जोगी बनाक घरमसे निकार डेलन । कुछ बरष पाछ उह रिसले रावन कुुबेरक सम्पत्ति लराइ कैख अछोर लेहल । यी घटनाले देव राज्य (रामके बाबा दशरथके राज) म हलचल मचगैलन । काकर की बाहुनके छावक सम्पत्ती असुरके छावा रावन ले लिहल कैक देवहुँकन भारी च्वाट लग्लन ।

२) सीता रावनके छाइ रहिट । युद्धके सिलसिलाम संजोगले नाबालक छाई राजा जनकके दरबारम पुगल रहिन । पाछ रामसे भ्वाज हुइलन ! कारणबस राम ओ सीताह बनबास जाइ पर्ना हुइलन । बन्नोम छाई दुःख पाइ कैक रावन आपन छाइह हरण कैक लंका लैगिल ।

३) रावनके बहिन्या शुपर्णखा राँर रहिट । रामके भैया लक्ष्मणसे भ्वाज कर्ना अर्जी कर्ली । राँर जन्नी महिसे भ्वाजक अर्जी करल कैक लक्ष्मण शुपर्णखाके नाक, कान काट देल ।

४) दशरथके राज्य महा गरिव रहिन । रावनके राज्य बहुट सम्पन्न । रावनके धनसम्पत्ति डेख्ख देवहुँकन लालच फे लग्लन । भगवानक मुखर मसे जर्मल देवहुक्र गरिव रना, भगवानके पाउ मसे जर्मल असुरके कब्जाम ढेर लागल सम्पत्ति रना असोभनीय हो । असुर जसिन नीच जात बहुट संम्पत्ति लेल बात कैक डाह लग्लन ।

खासम यिह कारणले झगरा हुइल डेखैठा । ट ! असुर ओ देवके अल्ग अल्ग राज्य रहिन कना ठाहाँ पा जइठा । देव राज्यम जातिय विभेदसहित बर्णाश्रम व्यवस्था रह । असुर राज्यम मनैनक अस्तित्व समान रह । उँच ओ नीच कैक बेक्छ्याइल नि रहिन । उहआरसे देवहुँक्र असुर हुँकन ड्याख नि स्याकट । जाटिक हेलाहा करट् । लराइ जिटल देवहुँक्र असुर हुँकन बरबर दमन व भारी अत्याचार कर्ल । डश्या अइना मौका रह । अमावसके दिन रावनह मार रलख्लह । ट डुर्गा लागल दिनसे दश दिनसम दुर्गाकवज बाचन कर्ना ओ दशमिक दिन डश्या मनैना साराओर उर्दि जारी कर्ल । भख्खर लराई झगरा कैक हारल असुरहुँक्र हेलाहा पक्षक् मनै कसिक खुशी होख डश्या मनैही ? जबरजस्टी हाँसी कसिक आई ।

देव राज्यके सेना कार्यकर्ता हुँकनक पिटाइ ओ गर्जनले होसहवास उर्लक असुर समुदाय राम ओ रावनके नाउँ पुकारा कर्ना फे डरैल ।  उ लराइम सामेल नि हुइलक सासक ढर्मकर्म कर्ना स्वतन्त्र प्रतिनिधी हुँकन पाँच पाण्डो, कान्हा, महादेव, सरस्वती और और दिउँटावनक सहारा लेख आपन तरिकाले डश्या मनइना निर्णय कर्ल । लराइ हारक सक्कु जायजेठा अछोराक नङ्ट बनाइल, सन्टान गवाँइल असुर समुदाय शोकम रलह । घरम रहल सागसब्जी ओ खोलीखापटके पानीमसे मच्छी गेक्टा लानक परमधाम हुँइलक सहित पिटृहुँकन अस्टमिक दिन सन्झ्या ढिक्रि पुज्ल । नवमीक दिन भिन्सारक भेंरोक बली डेल । बिहानक सम्मानसे पूजापाठ कैक मुर्गी कट्ल ओ पिट्टर डेल । खा पिक शोकके प्रतीक उज्जर पिटृ टीका लगैल । ठन्ह्वाम जाक कान्हा ओ पाण्डोहुँकन फे पिटृप्रसाडले पुजाअर्चना कैक डश्या ओराडेल । यि परम्परा हरसाल मनैटी चल्टी रहल बा ।

ट ! आर्य सुर्यबंशी समाज लराइम हुँकनक शाखासन्तान फे त गवँइल । त ! यी समाज अमावससे आघ सोह्रश्राद्धके तिथी बनाक आपन पूर्खावन पिण्ड डेख निपट जैठ । सप्टमीक डिनसे बाजागाजा सहित बौराइल हाँठीअस खस्या बोका रङग्वा काटकाट खाई लग्ठ ओ दशमिक डिन खुशीराजीसे लराइ जिट्लक प्रतीक लालटीका लगाक डस्या मनैल ओ हरेक साल मनैटी आइट । ट आर्य समाज फे सोझ रामके पुजा नै कर्ठ, भग्वान भर मन्ठ यी फे रहस्य बा । म्वार मनके खुलडुली अत्रहो गोचाली । जयगुरबाबा, साढुबाड गोचालीहुक्र !

सन्दर्भ सूचीः
पुस्तक असुर (राबणायन) पराजितों का कहानी : आनन्द निलकन्ठन ।
थारु लोक साहित्यमा इतिहास कला र दर्शन : अशोक थारु (२०६३)