गण्डकीमा १५ जना सङ्क्रमित थपिए

गण्डकी प्रदेशमा १५ जना कोरोना सङ्क्रमित थपिएका छन्। प्रदेशमा कोरोना सङ्क्रमितको सङ्ख्या तीन हजार ३५१ जना पुगेको प्रदेश स्वास्थ्य निर्देशनालयका निर्देशक एवं गण्डकी प्रदेश कोरोना नियन्त्रण तथा रोकथाम कार्यक्रमका प्रवक्ता डा विनोदविन्दु शर्माले जानकारी दिए। प्रदेशमा कोरोना सङ्क्रमणका कारण हालसम्म ३२ जनाको मृत्यु भएको छ।

थपिनेमा नवलपरासी (बर्दाघाट सुस्ता पूर्व) का ११, पर्वतका दुई, स्याङ्जा र लमजुङका एक÷एक जना छन्। पछिल्लो २४ घण्टामा ९२६ जनाको पिसिआर परीक्षण गरिएकोमा ५६ जनाको कोरोना पुष्टि भएको छ भने ७८५ जनाको रिपोर्ट नेगेटिभ आएको छ। यस अवधिमा एकको मृत्यु, चार जना निको भएका छन् र ८५ जनामा पुनः पोजेटिभ देखिएको निर्देशनालयले जनाएको छ।