Covid-19(Coronavirus) update
World Nepal
Confirmed
Recovered
Deaths

कस्तो चल्यो सुदूरपश्चिममा छायांकन गरिएको विराजको ‘साङ्लो’ ?

खवर संवाददाता
२०७६ फाल्गुन ९, ०७:४१
अ+

गएको माघ २४ गते प्रदर्शनमा आएको फिल्म ‘साङ्लो’ ले अभिनेता विराज भट्टको स्टारडम पुनः फिर्ता गरेको चर्चा सुरु भएको छ। चार वर्षपछि नेपाली फिल्ममा कमब्याक गरेका उनले निर्देशन, निर्माण र अभिनय गरेको यो फिल्मको इनिसियल बक्सअफिस आक्रमक भएपछि यस्तो चर्चा कमाएको हो।

प्रदर्शनको दोस्रो दिन शनिवार सिंगल थिएटरमा ठूलो कमाई गरेको फिल्मले आज शुक्रवारबाट तेस्रो हप्तामा प्रदर्शन थालनी गर्दैछ। अभिनेता भट्टले अहिले सम्म फिल्मको कमाई गोप्य राखेका छन्। तर वितरकले भने ‘साङ्लो’ ले राम्रो कमाएको दावी गर्दै आएका छन्। 

वितरक गोपालकाली कायस्थले फिल्मलाई दिएको एमजीको रकम उठेको दाबी गर्छन्। उनले भने, ‘मैले फिल्मलाई दिएको ३० लाख एमजी चाहिँ प्रदर्शनको दुई हप्तामा सजिलै उठेको छ। विराजले हलबाट मोटो रकम (शेयर) पाउन सक्छन्।’ 

यस्तै ४ वर्षपछि नेपाली फिल्ममा फर्किएका अभिनेता भट्ट ‘साङ्लो’ को सिक्वेल निर्माणको तयारीमा जुटेका छन्। दर्शकबाट सिक्वेलको चर्को माग आएका कारण आफू ‘साङ्लो २’ को बारेमा सोचिरहेको उनले बताए। ‘साङ्लो’ अधिकासं सुदूरपश्चिममा छायाङकन भएको चलचित्र हो। 
 

Skip Ad