सुदूर नेपाललाई विश्वसँग जोड्दै

बैतडी समाजको रक्तदान कार्यक्रम सम्पन्न, १३७ पिन्ट रगत संकलन

२०७६ फाल्गुन ३, ०४:४७ खबर संवाददाता

बैतडी समाज कैलालीले आज धनगढीमा रक्तदान कार्यक्रम गरेको छ। वार्षिक कार्यतालिका अनुसार बैतडी समाजले धनगढीको जलसा होटल अगाडी रक्तदान कार्यक्रम आयोजना गरेको हो।  रक्तदान जिवन दान भन्ने नारालाई आत्मसात गर्दै आयोजना गरिएको कार्यक्रममा एक सय ३७ जनाले रगत दान गरेका छन्।

रक्तदान कार्यक्रमका संयोजक राज बहादुर चन्दले एक सय ३७ जनाले रगत दान गरेको जानकारी दिए। उनीहरुबाट एक–एक पिन्टका दरले एक सय ३५ पिन्ट रगत संकलन भएको छ। बैतडी समाजले वार्षिक कार्यक्रम अनुसार हरेक वर्ष रक्तदान कार्यक्रमको आयोजना गर्दै आएको छ।

 बैतडी पुख्यौली घर भई कैलालीमा बस्दै आएकाहरुले संगठीत भई स्थापना गरेको बैतडी समाज बेला बखत विभिन्न खालका सामाजिक कार्य गर्दै आएको छ। समाजले बैतडीमा हरेक वर्ष बृहत स्वास्थ्य शिविर, आवश्यकता अनुसार रक्तदान लगायतका कार्यक्रम सञ्चालन गर्दै आएको छ। 

 यसैबिच बैतडी पुख्यौली  घर भई धनगढी बस्दै आएका चार जना सहोदर दाजुभाईले पनि एकै पटक रक्तदान गरेका छन्। बैतडीको दोगडाकेदार गाउँपालिका वडा नम्बर ५ वनकाँडाका चारजना दाजुभाईले संगै रक्तदान गरेका हुन्।

रक्तदान कार्यक्रमका संयोजक राज बहादुर चन्दले लोकराज भट्ट, भोजराज भट्ट, हेमराज भट्ट र हरिश प्रसाद भट्टले संगै रक्तादन गरेको बताए। उनीहरुले गत वर्ष पनि एकै पटक रक्तदान गरेका थिए। 

कमेन्ट लोड गर्नुस