धनगढी–१५ कनरी चोकमा ४९औँ हाइमास लाइट उद्घाटन
धनगढीः धनगढी उपमहानगरपालिकाको ‘उज्यालो धनगढी’ कार्यक्रम र एक वडा एक आर्थिक केन्द्र कार्यक्रमअन्तर्गत धनगढी वडा नम्बर १५ कनरी चोकमा ४९औँ हाइमास लाइट जडान गरी सञ्चालनमा ल्याइएको छ। धनगढी उपमहानगरपालिका वडा नम्बर १५ मा जडान गरिएको हाइमास लाइटको वडा नम्बर १५ का अध्यक्ष सुकदेव रानाले उद्घाटन गरेका हुन्।
उपमहानगरपालिकाका अनुसार ‘उज्यालो धनगढी’ कार्यक्रमअन्तर्गत नगरका विभिन्न स्थानमा हाइमास लाइट जडान गर्ने कार्यलाई निरन्तरता दिइएको छ। सोही अभियानअन्तर्गत वडा नम्बर १५ कनरी चोकमा पनि हाइमास लाइट जडान गरिएको हो। व्यस्त तथा सार्वजनिक आवागमनको महत्वपूर्ण क्षेत्र र आर्थिक क्रियाकलाप हुने भएकाले यहाँ हाइमास लाइट सञ्चालनमा आएपछि रातिको समयमा हुने आवागमन तथा सार्वजनिक गतिविधि र व्यवसायीक क्रियाकलापमा सहजता हुने अपेक्षा गरिएको छ।
उपमहानगरपालिकाले नगरका विभिन्न क्षेत्रलाई थप उज्यालो, सुरक्षित र व्यवस्थित बनाउने उद्देश्यसहित ‘उज्यालो धनगढी’ कार्यक्रम सञ्चालन गरिरहेको जनाएको छ।
