चट्याङ लागेर एक जनाको मृत्यु
२०८३ साउन २९, ०८:५२
रोल्पा: रोल्पाको लुङ्ग्री गाउँपालिका–१ खदरमा चट्याङ लागेर एक जनाको मृत्यु भएको छ।
जिल्ला प्रहरी कार्यालय रोल्पाका अनुसार बिहीबार राति करिब ८ः३० बजेको समयमा आफ्नै घरमा बसिरहेका लुङ्ग्री गाउँपालिका–१ खदर निवासी ५९ वर्षीय वीरबहादुर खत्रीलाई एक्कासी चट्याङ लागेको थियो।
चट्याङ लागेर गम्भीर घाइते भएका उनलाई तत्काल उपचारका लागि पाङ स्वास्थ्य चौकी लगिएको थियो। उपचारकै क्रममा राति करिब ९ः०० बजे खत्रीको मृत्यु भएको हो। घटनाबारे प्रहरी चौकी किलाचौर, रोल्पामा जानकारी प्राप्त भएपछि प्रहरी घटनास्थल पुगेको थियो। घटनाबारे आवश्यक अनुसन्धान भइरहेको प्रहरीले जनाएको छ।
कमेन्ट लोड गर्नुस