इन्जिनियर तर्कराज भट्ट नेपाली युवा उद्यमी मञ्चको राष्ट्रिय कार्यसमिति सदस्यमा निर्वाचित
धनगढी: कैलालीका इन्जिनियर तथा युवा उद्यमी तर्कराज भट्ट नेपाली युवा उद्यमी मञ्च (NYEF) को राष्ट्रिय गभर्निङ काउन्सिलअन्तर्गत कार्यसमिति सदस्यमा निर्वाचित भएका छन्।
सन् २०२६/२७ कार्यकालका लागि भएको निर्वाचनबाट भट्ट राष्ट्रिय नेतृत्वमा पुगेका हुन्। उनले यसअघि नेपाली युवा उद्यमी मञ्च कैलाली च्याप्टरको अध्यक्षका रूपमा नेतृत्व गरिसकेका छन्। हाल उनी च्याप्टरका पूर्वअध्यक्षका रूपमा सक्रिय छन्।
युवा उद्यमशीलता, व्यावसायिक नेतृत्व र निजी क्षेत्रको विकासमा सक्रिय भट्टको राष्ट्रिय कार्यसमितिमा प्रवेशलाई सुदूरपश्चिमका युवा उद्यमीको प्रतिनिधित्वका रूपमा हेरिएको छ।
नेपाली युवा उद्यमी मञ्चले देशभरका युवा उद्यमीलाई राष्ट्रिय सञ्जालमा जोड्दै उद्यमशीलताको प्रवर्द्धन, नेतृत्व विकास, व्यावसायिक सहकार्य र नवप्रवर्तनलाई प्राथमिकता दिँदै आएको छ।
कैलाली च्याप्टरको नेतृत्वबाट प्राप्त अनुभवसहित राष्ट्रिय कार्यसमितिमा पुगेका भट्टले सुदूरपश्चिमका युवा उद्यमीका समस्या र सम्भावनालाई राष्ट्रिय तहमा उठाउन तथा देशभरका युवा उद्यमीबीच सहकार्य र अवसर विस्तारमा भूमिका खेल्ने अपेक्षा गरिएको छ।
भट्टको राष्ट्रिय कार्यसमितिमा निर्वाचित हुनुले सुदूरपश्चिमबाट राष्ट्रियस्तरको युवा उद्यमी संस्थामा हुने प्रतिनिधित्वलाई थप मजबुत बनाएको छ।
