कैलालीमा हत्याका अभियुक्त चार वर्षपछि पक्राउ
२०८२ जेठ १०, ०७:०७
धनगढी: कैलालीमा हत्या अभियाेग लागेर चार वर्षदेखि फरार रहेका एक जना पक्राउ परेका छन।
जिल्लाकाे गोदावरी नगरपालिका–५ का २७ वर्षीय उमेश नेपालीलाई पक्राउ गरिएकाे जिल्ला प्रहरी कार्यालय, कैलालीले बताएकाे छ। नेपालीमाथि २ माघ २०७८ मा धनगढी उपमहानगरपालिका–११ मा भएकाे गाेदावरी-५ का २० वर्षीय प्रकाश नेपालीको मृत्यु प्रकरणमा संलग्न रहको आरोप छ।
घटना भएकै दिनदेखि फरार रहेका उनलाई जिल्ला प्रहरी कार्यालयको अपराध अनुसन्धान शाखाबाट खटिएको टोलीले शुक्रवार पक्राउ गरेकाे हाे। जिल्ला अदालतबाट म्याद थप गरेर हिरासतमा राखेर नेपालीमाथि थप अनुसन्धान भइरहेको प्रहरीले जनाएको छ।
कमेन्ट लोड गर्नुस