तपाईँको आजको दिन कस्तो रहेको छ? हेर्नुहोस् राशिफल

मेष(चू,चे,चो,ला,लि,लू,ले,लो,अ) चाडबाड लक्षित व्यापारबाट प्रशस्त आम्दानी हुने तथा पुराना कारोबारहरूलाई सल्टाउने समय रहेको छ। शत्रुले दुख दिन खोजे पनि अन्तत उनीहरूलाई परास्त गर्दै अगाडी बढ्न सकिनेछ। आफन्त तथा मावली पक्षबाट सहयोगको अपेक्षा गर्न सकिनेछ । विवाद तथा न्यायिक निर्णयहरूबाट हुने सुनुवाइ तपाईँकै पक्षमा फैसला हुनाले मन प्रसन्न हुनेछ। शेयर बजार तथा वित्तीय क्षेत्रमा आज गरिने लगानीबाट भनेजस्तो आम्दानी गर्न सकिनेछ।

वृष(ई,ऊ,ए,ओ,वा,वी,वू,वे,वो) सवारी साधनको प्रयोग गर्दा वा चलाउँदा ध्यान दिनुहोला अप्रिय घटना नघट्ला भन्न सकिन्न । दिनभर व्यस्त भएपनि न्यून पारिश्रमिकमा चित्त बुझाउनु पर्दा मन खिन्न हुनेछ। खानपिन तथा बाहिरी वातावरणको ख्याल गर्नुहोला। पढाइ लेखाइमा समय दिन नसक्दा अरुभन्दा पछि परिने चिन्ताले सताउनेछ । तरपनि खाद्यान्न,फलफूल, पहिरना तथा चाडबाड लक्षित सामानको व्यापारमा उल्लेख्य वृद्धि हुनेछ । बैक तथा वित्तीय क्षेत्रमा गरिएको लगानीबाट मनग्गे लाभ लिन सकिनेछ।

मिथुन (का,की,कू,घ,ङ,छ,के,को,हा) माया प्रेममा बिश्वास सिर्जना हुनेछ भने घर परिवारमा आमासँग मनमुटाव उत्पन्न हुनेछ। अन्य काममा व्यस्त हुँदा पढाइ लेखाइ कमजोर रहनेछ। राजनीति तथा समाजसेवामा सहभागी हुनेहरूले जनतासँग सन्तुलित व्यवहार गर्नुहोला। स्वास्थ्यको ख्याल गर्नुहोला छाती सम्बन्धी समस्या आउने तथा खर्च बढ्ने योग रहेको छ। तरपनि कृषि तथा पशुपालन व्यवसायमा समय लगानी गरी भनेजस्तो आम्दानी गर्न सकिनेछ। शेयर बजार तथा वित्तीय क्षेत्रबाट लाभ लिन सकिनेछ।

कर्कट (ही,हू,हे,हो,डा,डी,डु,डे,डो) छोटो दुरीको उपलब्धि मूलक यात्राको तय गर्न सकिनेछ भने व्यापारमा प्रशस्त आम्दानी हुनेछ। दाजुभाइ तथा आफन्तबाट भनेजस्तो सहयोग पाइने हुनाले मन प्रसन्न हुनेछ। प्रेममा रमाउन चाहनेहरूका लागी समयले साथ दिनेछ। पुराना विवादित विषयहरू हल भएर जानेछन्। आर्थिक क्षेत्रमा आज गरिने लगानीबाट लाभ लिन सकिनेछ। तरपनि उत्पादनमुखी उद्योगमा भने टेक्नकल समस्या आउन सक्छ।

सिंह(मा,मी,मू,मे,मो,टा,टी,टू,टे) स्वास्थ्यमा समस्या आई दैनिक कामकाज गर्न नसकिने हुनाले रुपैयाँ पैसाको व्यवस्थापन गर्न गाह्रो हुनेछ। आफन्त तथा परिवार बाट अप्रिय तथा दुखद समाचार सुनिने हुँदा मनमा खिन्नता पैदा हुनेछ। अध्ययन तथा अध्यापनको क्षेत्र तपाईँ आफ्नै कारणले कमजोर रहनेछ। बोल्दा वा कुनैपनि प्रश्तुतिमा भाग लिँदा प्रशस्त तयारी गर्नुहोला कमजोरी गरेको वा भएको आभास हुनेछ। तयारी बिना नै प्रस्तुत गरिने कुनै पनि योजना विफल हुन सक्छ ध्यान दिनुहोला।

कन्या (टो,पा,पी,पू,ष,ण,ठ,पे,पो) बिलासी बस्तुको प्रयोग गर्न पाइने तथा राम्रा पहिरनमा सजिएर अरूको मन लोभ्याउन सकिनेछ। तपाईँबाट राम्रा काम हुने हुनाले परिवार तथा साथीभाइहरू खुसी हुनेछन्। पढाइ लेखाइमा सुधार गरी नतिजा आफ्नो पक्षमा ल्याउन सकिनेछ। पारिवारिक जमघट वा घर परिवारमा आफन्तसँगै रहेर मिष्टान्न भोजन लिने अवसर मिल्ने हुनाले सबै खुसी रहनेछन्। शेयर बजार तथा वित्तीय क्षेत्रमा आज गरिने लगानीबाट भनेजस्तो आम्दानी गर्न सकिनेछ।

तुला (रा,री,रु,रे,रो,ता,ती,तू,ते) लामो दुरीको यात्रा हुनेछ भने यात्राका क्रममा ध्यान दिनुहोला समय मध्यम रहेको छ। काम गर्दा नीति नियमको पालना नगर्दा दण्ड तथा जरिवाना हुन सक्छ ध्यान दिनुहोला। भौतिक सम्पत्ति तथा द्रव्य हराउन सक्छ ध्यान दिनुहोला। प्रेममा अविश्वास गर्नाले टाढिनु पर्ने हुन सक्छ । तरपनि चाडबाड लक्षित सामानको व्यापारमा उल्लेख्य वृद्धि हुनेछ। विदेशी सामानको व्यापार तथा विदेशी भूमिमा गरिने काम वा व्यापार फाप्नेछ।

वृश्चिक(तो,ना,नी,नू,ने,नो,या,यी,यू) आर्थिक दृष्टिले दिन उत्तम रहेको छ भने अधुरा योजनाहरू पुरा हुनेछन्। खाद्यान्न, पहिरन, बिलासी सामान तथा चाडबाड लक्षित सामानको व्यापारबाट लाभ हुनेछ। सन्तान सुख मिल्नेछ भने परिवारमा माङ्गलिक कार्य हुनेछ । पुर्ख्यौली सम्पत्तिको प्रयोग मार्फत मनग्गे धन तथा सम्पत्ति जोड्न सकिनेछ। पढाइ लेखाइ उत्कृष्ट नतिजा हात लाग्ने हुँदा मन प्रसन्न हुनेछ। माया प्रेमको डोरो कसिलो भएर जानेछ । बैक तथा वित्तीय क्षेत्रमा गरिएको लगानीबाट मनग्गे लाभ लिन सकिनेछ।

धनु (ये,यो,भा,भी,भू,ध,फा,ढा,भे) व्यापारबाट मनग्गे आम्दानी गर्न सकिनेछ। गीत सङ्गीत तथा मोडलिङ क्षेत्रमा समय लगानी गर्नेहरूले नाम तथा दाम दुवै कमाउन सकिनेछ। राजनीति तथा समाजसेवामा जनताको काम गर्न सक्दा इज्जत तथा प्रतिष्ठामा वृद्धि भएर जानेछ। नयाँ काम पाउने तथा नोकरीमा बढुवा हुने योग रहेको छ । खानपान, किनमेल तथा घुमघाममा समय व्यातित हुनेछ। शेयर बजार तथा वित्तीय क्षेत्रमा आज गरिने लगानीबाट भनेजस्तो आम्दानी गर्न सकिनेछ।

मकर (भो,जा,जी,जू,जे,जो,ख,खी,खू,खे,खो,गा,गी) स्वास्थ्यमा समस्या आई सुरु गरेका कामहरू सम्पादन गर्न सकिने अवस्था रहने छैन। सहयोग गर्ने भन्दा आश्वासन बाढ्नेहरु धेरै भेटिनेछन्। गोप्य सूचनाहरू बाहिरिने हुँदा इज्जत प्रतिष्ठामा दाग लाग्न सक्छ ध्यान दिनुहोला। प्रशासनिक क्षेत्रमा तपाईँको निम्न स्तरको सहभागिता रहनेछ। तरपनि धर्म कर्ममा मन जाने तथा बिहानको समयमा धार्मिक क्षेत्रको भ्रमण हुनेछ। शेयर बजार तथा वित्तीय क्षेत्रबाट मनग्गे लाभ लिन सकिनेछ।  

कुम्भ (गू,गे,गो,सा,सी,सू,से,सो,दा) समय तथा  परिस्थितिअनुसार चल्न नसक्ता अलि दुःख पाइनेछ। पहिलेका निर्णयले काममा चुनौती आउने देखिन्छ। अरूको व्यवहारले शङ्का उब्जाए पनि मान्यजनको सुझाव शिरोधार्य गर्दा लाभ मिल्नेछ। महत्त्वाकाङ्क्षी योजना तत्काल सार्वजनिक गर्न केही समय पर्खनुहोला। परिवारजनको सहयोग लिँदा राम्रो हुनेछ। तरपनि धार्मिक क्षेत्र तथा परोपकारी काममा सहभागी भई काम गर्ने अवसर जुर्नेछ। आर्थिक क्षेत्रमा गरिने लगानीबाट मनग्गे धन आर्जन गर्न सकिनेछ।

मीन (दी,दू,थ,झ,ञ,दे,दो,चा,ची) व्यापारबाट प्रशस्त धन सम्पत्ति सङ्ग्रह गर्न सकिनेछ। विगतका कमजोरीहरूलाई सुधार गर्दै सफलताको मार्गमा पाइला चाल्न सकिनेछ। पढाइ लेखाइमा भनेजस्तो सफलता हात पार्न सकिने हुँदा आफन्त तथा साथीभाईहरुबाट बधाईको ओइरो आउनेछ। भौतिक सम्पत्तिको प्रयोग गर्न पाइने तथा बिलासी बस्तुको उपयोग मार्फत अरूको मन आफूनिर तान्न सकिनेछ। प्रेम प्रसङमा रमाउन चाहनेहरूका लागि समयले साथ दिनेछ। शेयर बजार तथा वित्तीय क्षेत्रमा आज गरिने लगानीबाट भनेजस्तो आम्दानी गर्न सकिनेछ।