चाडमा जिहादी आक्रमणमा ४० सैनिकको मृत्यु
एजेन्सीः नाइजेरियाली सीमा नजिकै जिहादी समूह बोको हरामले चाडको सेनामाथि गरेको आक्रमणमा करिब ४० जनाको मृत्यु भएको सरकार र स्थानीय स्रोतहरूले सोमवार बताएका छन्।
दुई सयभन्दा बढी सैनिक रहेको एक गैरिसनमाथि बोको हरामका सदस्यहरूले आइतवार राति आक्रमण गरेका थिए। देशको पश्चिमी भागमा रहेको नगुबुआ नजिकै भएको आक्रमणमा दुःखद् रूपमा करिब ४० जनाको मृत्यु भएको राष्ट्रपति कार्यालयले वक्तव्यमार्फत बताएको छ।
चाडका राष्ट्रपति माहमत इद्रिस देबी इट्नोले सोमवार बिहान घटनास्थलको भ्रमण गरेको र ‘आक्रमणकारीहरूलाई पछ्याउन र उनीहरूको सबैभन्दा टाढाको लुक्ने ठाउँसम्म खोज्न’ अभियान सुरु गरेको वक्तव्यमा उल्लेख छ।
स्थानीय स्रोतहरूका अनुसार स्थानीय समयअनुसार राति १०ः०० बजे आक्रमण भएको थियो। “बोको हरामका सदस्यहरूले गैरिसनलाई नियन्त्रण लिए, हतियार कब्जा गरे, भारी हतियारले सुसज्जित सवारी साधनहरू जलाए र त्यहाँबाट भागे”, को एक प्रहरी अधिकारीले बताए।
