अभिनाश बोहरा १२ लाखमा सुदूरपश्चिम रोयल्समा आवद्ध

काठमाडौंः नेपालका डेथ ओभर स्पेसलिष्ट बलर अभिनाश बोहरा १२ लाख रुपैयाँमा सुदूरपश्चिम रोयल्समा बिक्री भएका छन्।

न्यूनतम १० लाख रुपैयाँ राखेका उनलाई किन्न कर्णाली याक्स र सुदूरपश्चिमबीच प्रतिस्पर्धा भएको थियो। तर, कर्णालीले साढे ११ लाख पछि मुल्य लगाउन चाहेन। अन्य टोलीले पनि खासै रुची देखाएनन् । त्यसैले १२ लाखमा सुदूरपश्चिमले पाएको हो। अभिनाश टी–२० विश्वकपपछि नेपालको टोलीमा छैनन्। पछिल्लो समय त्यति राम्रो प्रदर्शन नहुँदा खासै महँगो मूल्य पाउन सकेनन्।