अखिल क्रान्तिकारीको राष्ट्रिय सम्मेलन असोज १० देखि

काठमाडौंः माओवादी केन्द्रनिकट अनेरास्ववियू क्रान्तिकारीको राष्ट्रिय सम्मेलन असोज १० गतेदेखि हुने भएको छ।

त्रिभुवन विश्वविद्यालयको स्मृति हलमा माओवादी अध्यक्ष प्रचण्डले उद्घाटन गर्नेछन्। १४ गतेसम्म चल्ने सम्मेलनमा २ हजार ३ सय २३ प्रतिनिधि सहभागी हुने छन्।

७५ जिल्ला, ४५० पालिका र ५०० बढी क्याम्पसमा सम्मेलन सम्पन्न भइसकेको र अहिलेसम्म तीन लाख सदस्यता वितरण गरिएको अध्यक्ष पञ्चा सिंहले जानकारी दिइन्। उनका अनुसार सम्मेलनले सहमतिबाट नभई प्रत्यक्ष निर्वाचन प्रक्रियाद्वारा नयाँ नेतृत्व चयन गर्ने छ।