अखिल क्रान्तिकारी केएमसीको आयोजनामा वक्तृत्व कला आयोजना हुने
धनगढीः कैलालीको धनगढीमा रहेको कैलाली बहुमुखी क्याम्पसमा अखिल क्रान्तिकारी कैलाली बहुमुखी क्याम्पस इकाई कमिटीको आयोजनामा भदौ २८ गते वक्तृत्व कला प्रतियोगिता हुने भएको छ।
विद्यार्थीमा भएको कला र गलालाई प्रस्फुटन गर्ने उद्देश्यले वक्तृत्व कला प्रतियोगिता आयोजना गरिएको अखिल क्रान्तिकारी कैलाली बहुमुखी क्याम्पसका अध्यक्ष मिलन भाट (म्याक्स)ले बताए।
कैलाली बहुमुखी क्याम्पसमा अध्ययनरत विद्यार्थीहरूलाई ‘महिला हिंसा र यसले समाजमा पर्ने प्रभाव र युवा र राजनीति र समाज रूपान्तरण’ भन्ने दुईवटा शीर्षक दिएर वक्तृत्व कला प्रतियोगिता आयोजना हुन लागेको अध्यक्ष भाटले बताए।
प्रतियोगितामा प्रथम हुनेलाई ३ हजार ५ सय नगद, प्रमाणपत्र, द्वितीय हुनेलाई २ हजार ५ सय नगद, प्रमाणपत्र प्रदान गरिने छ। यस्तै तृतीय हुनेलाई १ हजार ५ सय नगद र प्रमाणपत्र प्रदान गरिन आयोजक समितिले जनाएको छ। कार्यक्रम भदौ २८ गते बिहान ९ बजेदेखि कैलाली बहुमुखी क्याम्पसको सेमिनार हलमा हुने छ।
