दार्चुलामा जिप दुर्घटना हुँदा दुई जना घाइते

दार्चुलाः दार्चुलामा जिप दुर्घटना हुँदा दुई जना घाइत भएका छन्। जिल्लाको महाकाली नगरपालिका–८ धौकोट सडक खण्डमा आज दिउँसो जिप दुर्घटना भएको हो।

जिल्ला सदरमुकाम खलंगाबाट धौकोटतर्फ जाँदै गरेको म १ज २३९ नम्बरको बोलेरो जिप अनियन्त्रित भएर दुर्घटना भएको जिल्ला प्रहरी कार्यालय दार्चुलाले जनाएको छ। जिपमा चालकसहित ६ जना सवार रहेकामा दुई जना घाइते भएका  छन्।

घाइते हुनेमा महाकाली–८ धौकोटका ६८ वर्षीया कुडा देवी रैखोला र ५० वर्षीय कम्मानसिंह भाट रहेका छन्। उनीहरुको जिल्ला अस्पताल दार्चुलामा उपचार भइरहेको छ। गाडी चालक २८ वर्षीय सुरेशसिंह धामीलाई प्रहरीले नियन्त्रणमा लिएको छ।