ब्राजिलमा विमान दुर्घटना हुँदा पाँच जनाको मृत्यु
एजेन्सिः पश्चिमी ब्राजिलको माटो ग्रोसो राज्यमा रहेको अमेजोनियन सहर अपियाकासमा बिहीबार भएको विमान दुर्घटनामा पाँच जनाको मृत्यु भएको छ।
दुर्घटनामा जुम्ल्याहा इन्जिन भएको किङ एयरको विमान पौसाडा अमेजोनिया फिशिङ लजबाट रोन्डोनोपोलिस सहर जाँदै गरेको थियो। सात जनासम्म यात्रु बोक्ने गरी डिजाइन गरिएको उक्त विमान दुर्घटनामा परेको थियो र विस्फोट भएको थियो।
पीडितहरूमा कृषि व्यवसायका मालिक र युनियन स्पोर्ट्स क्लबका पूर्व अध्यक्ष अर्नी स्पियरिङ, उनका दुई नातिनातिना, उनको कम्पनीका एक कर्मचारी र पाइलट थिए। ब्राजिलको ग्लोबोन्युजले सैन्यकृत प्रहरीलाई उद्धृत गर्दै दुर्घटना भएको जानकारी दिएको हो।
ब्राजिलको वायुसेनाले दुर्घटनाको कारण पत्ता लगाउन एरोनटिकल दुर्घटना अनुसन्धान र रोकथाम केन्द्रका विशेषज्ञहरूलाई एपियाकास पठाएको छ। एक हप्ता अघि साओ पाउलो राज्यको भिन्हेडोमा विमान दुर्घटनाहुँदा ६२ जनाको मृत्यु भएको थियो।
