‘नमेटिने तेरो माया’ गीतको म्युजिक भिडियो सार्वजनिक

धनगढी : सुदूरपश्चिमकी मोडल अनु खड्काले अभिनय गरेको नमेटिने तेरो माया बोलको गीतको म्युजिक भिडियो सार्वजनिक भएको छ। सरोज रोकाया र गौरी भट्टले स्वर दिएको गीतको म्युजिक भिडियो एनी सेन्चुरीको युट्युब च्यानलबाट सार्वजनिक भएको हो।

उक्त म्युजिक भिडियोमा अभिनयमा मोडल खड्कालाई बिराज भट्ट र एनी सेन्चुरी लगायतका कलाकारले साथ दिएका छन्। भीम थापाको निर्देशनमा रहेको गीतको छायाङ्कन अमृत उपाध्यायले गरेका हुन् भने खप्तड फिल्मस्ले दृश्य निर्माण गरेको हो।

सुरेन्द्र बिक स्मृतिको शब्दमा रहेको गीतमा सरोज रोकायाले लय भरेका छन्। स्टाफ नर्स समेत रहेकी मोडल खड्का पछिल्लो समय सुदूरपश्चिमकी सुपरिचित मोडलका रुपमा परिचित छिन्।

गीत, संगितकर्मीको रोजाइमा पर्न सफल भएकी खड्काले एकपछि अर्को म्युजिक भिडियोमा स्थान पाइरहेकी छन्। खड्काको अभिनय रहेका दर्जनौँ म्युजिक भिडियो सार्वजनिक भइसकेका छन्।