‘रंगेली’ फिल्मको ट्रेलर सार्वजनिक

काठमाडौँः फिल्म ‘रंगेली’ को ट्रेलर सार्वजनिक  गरिएको छ।

फिल्म निर्माण टीमले बुधवार ट्रेलर सार्वजनिक गरेको हो। ट्रेलरमा अपराध र राजनीतिबीचको नेक्सस देखाउने प्रयास गरिएको छ। फिल्मको शीर्ष भूमिका विजयको रोलमा दयाहाङ राई देखिएका छन्। पछिल्लो समय अभिनयमा ‘स्टेरियोटाइप’को आरोप खेपिरहेका दयाहाङलाई ‘रंगेली’ले त्यो पहिचानबाट मुक्त गर्न भूमिका खेल्न सक्छ।

फिल्ममा दयाराङ राई, अर्पण थापा, मिरुना मगर प्रवीण खतिवडा, रमेश बुढाथोकी, रुपेश झा, सुन्दर धिताल लगायतको अभिनय छ। यो फिल्मका लेखक तथा निर्देशक अर्जुन सुवेदी हुन्। कार्यकारी निर्माताहरू जीतेन्द्र खतिवडा र अनुज जङ्ग थापा हुन्। निर्माताहरू संसार चौलागाईं र रमेश भट्टराई वशिष्ठ हुन् भने युवक कार्की र शिव शङ्कर चौलागाईँ सह–निर्माता हुन्। शिवरात्रीको अवसरमा यो फिल्मलाई फागुन २५ गते प्रदर्शन गर्ने तयारी छ।