धनगढीको मोतिचोकका व्यवसायीहरूबाट सडक सरसफाइ

धनगढी: धनगढी उपमहानगरपालिका वडा नम्बर ७ र ८ को हुलाकी सडकमा मोतिचोक क्षेत्रका व्यवसायीबाट सरसफाइ गरिएको छ। मोतिचोक बजार व्यवस्थापन समितिले तीन दिन लगाएर मोतिचोकको दिनबन्धु फेन्सी पसलदेखि मनेहराचोक र भानुचोकसम्मको मुख्य सडकको दुबैतर्फ सरसफाइ गरेका हुन्।

तीन दिनसम्म दैनिक चार जना मजदुर लगाएर सडक सरसफाइ गरिएको मोतिचोक बजार व्यवस्थापन समितिका अध्यक्ष रामप्रसाद चौधरीले बताए। उनले जनही ८ सय ज्याला दिएर चार जनालाई ९ हजार ६ सय दिएर सडकको नाली र दुबैतर्फको सडक पेटी सफा गरेको चौधरीले बताए।