कञ्चनपुरमा चोरी गरेको मोटरसाइकलसहित एक युवक पक्राउ

कञ्चनपुरः  कञ्चनपुरमा मोटरसाइकलसहित एक युवक पक्राउ परेका छन्।

बेल्डाँडी गाउँपालिका–१ सिद्धचोकका २१ वर्षीय प्रशान्त सिंह धामी पक्राउ परेका हुन्। उनलाई से ५ प ६३९७ नम्बरको मोटरसाइकलसहित आइतवार पक्राउ गरेको हो। धामीलाई पक्राउ गरी थप अनुसन्धान थालिएको इलाका प्रहरी कार्यालय बेल्डाँडीले जनाएको छ।

प्रहरीका अनुसार यही पुष १९ गते बेलडाँडी–२ स्थित साना किसान कृषि सहकारी संस्था अगाडि पार्किङ गरी राखेको बेलडाँडी–३ सिमलडाँडीका खुसीराम चौधरीको मोटरसाइकल चोरीको आरोपमा उनलाई पक्राउ गरेको हो। उक्त मोटरसाइकल पुस १९ गते चोरी भएको थियो।