देउडा गीत ‘दुःखी मन’ सार्वजनिक

धनगढी : देउडा गीत ‘दुःखी मन’ सार्वजनिक भएको छ। दीपकराज जोशी र राम पाण्डेको लय–शब्दमा रहेको गीत सार्वजनिक भएको हो।

देउडा गीतमा अमृत नाथ र कृतिका कार्कीको अभिनय रहेको छ। गीतमा दीपक राज जोशी र गौरी ओझाको आवाज रहेको छ। देउडा गीतमा सुदूरपश्चिमको भाषा–कला र संस्कृति झल्किने प्रस्तुति प्रस्तुत गरेको छ। रोजगारीको लागि देश बाहिर जानुपर्ने बाध्यता समेत सो गीतमा देखाइएको छ।

घर परिवार पाल्न र साहुको ऋण तिर्न मात्रै धौधौ हुने गरेको परिस्थिति समेत यो गीतमा देखाइएको छ। जुन गीत अमृतनाथ युट्युब च्यानलमा सार्वजनिक गरिएको छ।