भारतमा ४ जना कोरोना सङ्क्रमितको मृत्यु

एजेन्सीः  भारतमा आज (शनिवार) ४ जना कोरोना सङ्क्रमितको मृत्यु भएको छ। भारतमा कोरोना सङ्क्रमितको सङ्ख्या ४ करोड ५० लाख नाघेको छ।

स्वास्थ्य मन्त्रालयका अनुसार पछिल्लो २४ घण्टामा ७५२ नयाँ सङ्क्रमित थपिएका छन्। ३२५ जना निको भएका छन्। देशमा सक्रिय केसको सङ्ख्या ३ हजार ४२० छ। एक दिन अघि यो सङ्ख्या २ हजार ९ सय ९८ थियो।

स्वास्थ्य मन्त्रालयका अनुसार केरला राज्यमा सबैभन्दा बढी ५६५ मामिलाहरू छन्।  त्यहाँ थप २ जनाको मृत्यु भएको छ। २६६ जनाको उपचार भइरहेको छ। सक्रिय केसहरूको सन्दर्भमा, कर्नाटक ७० केसहरूसँग केरला पछि दोस्रो छ। कर्नाटक र राजस्थानमा १–१ जनाको मृत्यु भएको छ।