एमालेको ‘समृद्धि संकल्प यात्रा’ आज चिवाभञ्ज्याङ पुगेर समापन हुने

काठमाडौं: नेकपा एमालेको झुलाघाट–चिवाभञ्ज्याङ समृद्धिका लागि संकल्प यात्रा यात्रा आज सकिँदैछ। बैतडीको झुलाघाटबाट मङ्सिर १४ गतेदेखि सुरु भएको यात्रा आज पाँचथरको चिवाभञ्ज्याङ पुगेर राष्ट्रिय झण्डा झण्डोत्तोलन गरी समापन हुन लागेको हो। 

एमाले अध्यक्ष केपी शर्मा ओलीले झुलाघाट–चिवाभञ्ज्याङ समृद्धिका लागि संकल्प यात्राको क्रममा स्थानीयको समस्या पहिचान गरी समाधानको उपाय पनि खोजी गरिएको बताएका छन्। यात्राको १७ औँ दिन पाँचथरको फिदिममा आयोजित अभियानको अन्तिम सभापछि सामाजिक सञ्जाल फेसबुकमार्फत ओलीले यात्राको क्रममा स्थानीयसँग कुरा गरेर धेरै कुरा जानकारी लिन सकिएको उल्लेख गरेका हुन्।