प्रधानमन्त्री प्रचण्ड धनगढी आउदै

धनगढी : प्रधानमन्त्री पुष्पकमल दाहाल ‘प्रचण्ड’ धनगढी आउने कार्यक्रम तय भएको छ। मङ्सिर २२ गते शुक्रवारदेखि धनगढीमा सुरु हुने सुदूरपश्चिम महोत्सवको उद्घाटन गर्न प्रधानमन्त्री प्रचण्ड धनगढी आउने भएका हुन।

सुदूरपश्चिम महोत्सव आयोजक कैलाली उद्योग वाणिज्य सङ्घका अध्यक्ष पुष्पराज कुँवरले महोत्सव उद्घाटन गर्न प्रधानमन्त्री आउने कार्यक्रम निश्चित भएको बताए। उनले भने, ‘प्रधानमन्त्री ज्यूले महोत्सवको उद्घाटन गर्ने निश्चित भएको छ। भोलि महोत्सवको उद्घाटन हुन्छ।’

अध्यक्ष कुँवरले महोत्सवको तयारी ९० प्रतिशत पूरा भएको बताए। विगतका वर्ष झैँ यो पटक पनि प्रमुख अतिथिलाई पूरा नभएका मागहरूको बारेमा जानकारी गराउने सङ्घको तयारी छ।

मङ्सिर २२ गतेदेखि महोत्सव १० दिनसम्म चल्नेछ। यस पटक महोत्सवको टिकट खल्ती एप्सबाट पनि खरिद गर्न सकिने व्यवस्था सङ्घले मिलाएको छ।