पाल्पाको बैकुण्ठे भीरमा जिप दुर्घटना हुदा ६ जनाको मृत्यु 

पाल्पाः  पाल्पामा रानीमहल तानसेन सडक खण्डको बैकुण्ठे भीर नजिकै जिप दुर्घटना हुँदा ६ जनाको घटनस्थलमै मृत्यु भएको छ। ऐतिहासिक पर्यटकीय स्थल रानिमहल घुम्न हिडेका पर्यटक सवार बाग्मती प्रदेशको ७२०९ नम्बरको जिप ओरालो सडकमा चिप्लिएर करिब ७ सय मिटर तल तानसेन खोलामा खसेको छ।

दुर्घटना परी तीन महिला, दुई बालक र एक पुरुषको मृत्यु भएको जिल्ला प्रहरी कार्यालय पाल्पाका प्रमुख हेरम्ब शर्माले बताए। ज्यान गुमाउनेको परिचय भने खुल्न सकेको छैन। दुर्घटनामा गम्भिर घाइत एक जनाको भने उद्धार गरिएको छ। उनको अवस्था पनि गम्भिर रहेको प्रमुख शर्माले बताए। घटनास्थलमा अहिले नेपाली सेना,नेपाल प्रहरी र सशष्त्र प्रहरीको साथै स्थानीयको सहयोगमा शव निकाल्ने काम भइरहेको छ।