चलचित्र ‘परदेशी–२’ को नयाँ गीत सार्वजनिक

काठमाडौँः  नारायण रायमाझीद्धारा निर्देशित चलचित्र ‘परदेशी–२’ को नयाँ गीत सार्वजनिक गरिएको छ।

बडादसैँको अवसर पारेर असोज २६ गतेबाट प्रदर्शनमा आउन लागेको चलचित्रको ‘हिजो काम’ बोलको गीत सार्वजनिक गरिएको हो। यस गीतले परदेशीकै कथा वाचन गरेको छ। सतीश चापागाईंले रचना गरेको गीतमा चलचित्रमा अभिनेतासमेत रहेका प्रशान्त तामाङले स्वर दिएका छन्। बिबी अनुरागीको सङ्गीत र एरेन्ज रहेको गीतलाई श्यामश्वेत रसाइलीले मिक्सिङ गरेका हुन्।

गीतको भिडियोमा चलचित्रका शीर्ष कलाकार प्रकाश सपूत र दिलीप रायमाझीसँगै रमा थपलियालगायतलाई प्रस्तुत गरिएको छ। ‘परदेशी–२’ मा प्रकाश र दिलीपसँगै प्रशान्त तामाङ, केकी अधिकारी, वर्षा सिवाकोटी, नीर शाह, रमा थपलिया, सविन बास्तोला, देवेन्द्र बब्लुलगायतको अभिनय छ।