धनगढीको जुगेडामा एक लाख धनराशीको भलिबल प्रतियोगिता हुने
धनगढीः धनगढीको जुगेडामा एक लाख धनराशीको भलिबल प्रतियोगिता हुने भएको छ। धनगढी उपमहानगरपालिका–१० जुगेडामा भलिबल प्रतियोगिता आयोजना हुने भएको हो।
संयुक्त राना जनचेतना परिवारको आयोजनामा भदौ २६ गतेदेखि ३० गतेसम्म जुगेडा कप २०८० भलिबल प्रतियोगिता संचालन हुने आयोजकले बताएको छ। सांस्कृतिक र खेल पर्यटनको विकासका साथै राष्ट्रिय अन्तराष्ट्रिय खेलाडी उत्पादन गर्ने उद्देश्यले भलिबल प्रतियोगिताको आयोजना गरिएको आयोजक समितिका अध्यक्ष रबि रानाले बताए।
प्रतियोगितामा प्रथम पुरस्कार १ लाख, द्रोस्रो पुरस्कार ५५ हजार, तेस्रो पुरस्कार ३० हजार र चौथो पुरस्कार १६ हजार रहेको अध्यक्ष रानाले जानकारी दिए। अध्यक्ष रानाका अनुसार प्रतियोगितामा नेपाल प्रहरी, शसस्त्र प्रहरी, नेपाल आर्मीका खेलाडी लगायत नेपालका स्थानिय क्लब तथा भारतका स्थानिय क्लबहरुलाई समेत आमन्त्रण गरिएको छ।
त्यस्तै खेलको अन्तिम दिन समापन समारोहमा सांस्कृतिक रानाथारु झाकीसहित अभिनन्दन र पुरस्कृत गरिने आयोजकको भनाई छ।
