सुन प्रकरणमा थप ४ जना चिनियाँ नागरिक पक्राउ

काठमाडौँः  गत साउन ३ गते काठमाडौंको सिनामंगलबाट बरामद भएको ६० किलो ७१६ ग्राम सुन प्रकरणमा मुछिएको आशंकामा थप ४ जना पक्राउ परेका छन्।

नेपाल प्रहरीको केन्द्रीय अनुसन्धान ब्यूरो (सीआइबी)का अनुसार पक्राउ परेका ४ जनानै चिनियाँ नागरिक हुन्। सीआइबीका अनुसार आज पक्राउ पर्नेमा चिनियाँ नागरिकहरु तियान मी, वीन तङ, डिङ सेग्फा र ली नेङ्काई पक्राउ परेका हुन्। गत साउन २ गते त्रिभुवन अन्तर्राष्ट्रिय विमानस्थालबाट भन्सार पास भएर बाहिरिएको सुन ३ गते राजस्वको टोलीले सिनामंगलबाट बरामद गरेको थियो।

स्कुटरको ब्रेक–शु भित्र राखेर ल्याईएको सुन ब्रेक–शुसहित १५५ किलो रहेकोमा मंगलबार टक्सार विभागमा नापजँच गर्दा ६० किलो ७१६ ग्राम मात्रै भएको बताइएको छ।