कञ्चनपुरबाट खैरोहिरोइनसहित दुई जना पक्राउ

धनगढीः कञ्चनपुरबाट आगुऔषध खैरोहिरोइनसहित दुई जना पक्राउ परेका छन्। जिल्लाको बेलौरी नगरपालिका वडा नमबर १० भुडाबाट दुई जना पक्राउ परेका हुन्। 

सुदूरपश्चिम प्रदेश प्रहरी कार्यालय, धनगढीका अनुसार बझाङको मष्टा गाउँपालिका वडा नम्बर २ का राजकुमार रोकायासहितका दुई जना पक्राउ परेका हुन्। उनीहरुलाई शनिवार साँझ सुपप्र ०४००१ प ०१०६ नम्बरको मोटरसाइकल र १९ ग्राम नौ सय मिलिग्राम खैरोहिरोइनसहित पक्राउ गरिएको हो।

इलाका प्रहरी कार्यालय बेलडाँडीको प्रहरी टोलीले उनीहरुलाई पक्राउ गरेको हो।