कञ्चनपुरमा लागुऔषधसहित चार जना पक्राउ

कञ्चनपुरः कञ्चनपुरमा लागुऔषधसहित चार जना पक्राउ परेका छन्।

मंगलबार जिल्लाको बेलौरी नगरपालिका–१० सडकघाटको नेपाल–भारत सिमा नजिक भारतबाट नेपाल आउदै गरेको पिलभित भारतका २२ वर्षीय सोनु सिंह र २५ वर्षीय सुकदेव सिंह लागुऔषधसहित पक्राउ परेका हुन्। १० दशमलव ३६ ग्राम लागुऔषधसहित दुवै जनालाई पक्राउ गरिएको प्रहरीले जनाएको छ।

त्यस्तै मंगलबार साँझ भीमदत्त नगरपालिका–१८ जानकीटोलबाट निम्बुखेडाका २६ वर्षीय मन्दिप पाल र सोहि स्थानका अन्दाजी १९ वर्षीया सृजना भाटलाई लागुऔषधसहित प्रहरीले नियन्त्रणमा लिएको छ। मालबाट शून्य दशमलव शून्य ९ ग्राम लागुऔषध र सृजनाको साथबाट ५ ट्याब्लेट स्पास फेला परेको प्रहरीले जनाएको छ।