बैतडीको पाटनमा नमूना मतदान कार्यक्रम सम्पन्न 

बैतडीः जिल्ला निर्वाचन कार्यालयले बैतडीको पाटनमा मंगलबार आयोजना गरेको नमूना मतदान कार्यक्रम सम्पन्न भएको छ। उक्त नमूना मतदान कार्यक्रममा ७ मत बदर भएको छन्। आसन्न निर्वाचनलाई ध्यानमा राखेर पाटन बजार क्षेत्रमा नमूना मतदान कार्यक्रम सम्पन्न गरिएको जिल्ला निर्वाचन अधिकारी माधवप्रसाद फुँयालले बताए। 

७१ जनाले मतदान गर्दा २८४ मत खसेकोमा ७ मत बदर भएको फुँयालले बताए। मतदान गर्ने तरीकाको बारेमा जानकारी दिनका लागि नमूना मतदानको आयोजना गरिएको उनले बताए। जिल्लाका १० ओटै स्थानीय तहमा नमूना मतदान सम्पन्न गरिने फुँयालले जानकारी दिए।