बैतडीमा वर्षाका कारण विद्यालयको भवन भत्कियो 

धनगढी: बैतडीमा लगातारको वर्षाका कारण एक विद्यालयको भवन भत्किएको छ। जिल्लाको पाटन नगरपालिका-३ बुङडास्थित सिगास आधारभूत विद्यालयको तीन कोठे भवन भत्किएको हो।

प्रधानाध्यापक सुरेन्द्र विष्टका अनुसार तीन कोठे भवन भत्किएको छ भने एक कोठे भवन भत्किने अवस्थामा रहेको छ। कक्षा पाँचसम्म पढाइ हुने सो विद्यालयका जीर्ण अवस्थामा रहेका पुराना भवन केही दिनदेखिको लगातारको वर्षाले भत्किएका छन्। अहिले विद्यालय बन्द रहेको छ।