कैलालीमा ५ तारे होटल खुल्दै, शशांकले गरे शिलान्यास

धनगढीः कैलालीमा ५ तारे होटल खुल्ने भएको छ। जिल्लाको गोदावरी नगरपालिका वडानम्बर ७ हरैयामा ५ तारे होटल (आईडिया होटल एण्ड क्यासिनो) खुल्न लागेको हो। 

शनिबार उक्त होटलको एक कार्यक्रमका बीच प्रतिनिधि सभा सदस्य एवम् नेपाली कांगेसका नेता शशांक कोइरालाले शिलान्यास गरेका छन्। होटलको शिलान्यास गर्दै कोइरालाले होटल व्यवसायले सद्भावको भावना जागृत गर्ने बताए। उनले होटल व्यवसायले यस क्षेत्रको आर्थिक विकासमा मदत गर्ने बताए।

यस्तै आइडिया नेपालका अध्यक्ष गोकर्ण श्रेष्ठले होटलमा १५० गेष्ट रुम रहने बताएका छन्। उनले होटलको २ हजार जना अटाउने सेमिनार हल, १ हजार ५ सय जनाले एकैपटक खेल्न सक्ने क्यासिनो लगायतका सेवा संचालन हुने बताएका हुन्। आइडिया ग्रुपको नाममा २३ विघा सो क्षेत्रमा जग्गा रहेको र जसमध्ये २ विघा जग्गामा होटल र अन्य क्षेत्रमा आइडिया सिटी निर्माण गरिने बताइएको छ। जसमा अपारमेन्ट पनि निर्माण गरिने छ।

यो होटल संचालनका लागि २ अर्ब लगानी लाग्ने अनुमान गरिएको छ। होटल १५ तलाको हुने जनाइएको छ।