डडेल्धुरामा दुई जना फरार अभियुक्त पक्राउ

डडेल्धुरा: डडेल्धुरामा हातहतियार खरखजना मुद्दाका दुई जना फरार अभियुक्त पक्राउ परेका छन्।  जिल्लाको आलिताल गाउँपालिका–८ का २७ वर्षीय भीमबहादुर बोहरा र सोही ठाउँका २९ वर्षीय विनोद मास्के रानामगर पक्राउ परेका हुन्।

बुधबार उनीहरूलाई आलिताल–८ बाटै पक्राउ गरिएको जिल्ला प्रहरी कार्यालय डडेल्धुराका प्रहरी निरीक्षक एवं सूचना अधिकारी उमाकान्त जोशीले जानकारी दिए।

बिहीबार उनीहरूलाई आवश्यक कारबाहीका लागि डडेल्धुरा जिल्ला अदालत डडेल्धुरामा बुझाइएको सूचना अधिकारी जोशीले बताए। दुवैजना विगत एक वर्षदेखि फरार रहेका थिए।