सपनामा अर्की महिला देख्दा श्रीमानलाई दुःख, श्रीमतीले यौनाङ्गमा खन्याइन् तातोपानी

एजेन्सी: एक श्रीमानले सपनामा अर्की महिलालाई देखा दुःख खेप्नुपरेको छ। बोलिभियाको शहर ला पाजमा बस्दै आएका श्रीमानको यौनाङ्गमा श्रीमतीले तातोपानी खन्याएको घटना सार्वजनिक भएको छ। बोलिभियाकी ती महिलालाई प्रहरीले पक्राउ गरेको छ।

ती महिलाले प्रहरीलाई दिएको बयान अनुसार उनका ४५ वर्षका श्रीमान् सुतिरहेका बेला बर्बराइरहेका थिए। श्रीमानले सपनामा नै अर्की महिलालाई आफ्नो प्रेम भावना व्यक्त गरिरहेका थिए। श्रीमानले अर्की महिलाको नाम लिएर बर्बराइरहेको सुनेपछि रिसले आगो भएकी श्रीमती त्यसपछि भान्सामा गइन्। एक भाँडो पानी बसालिन्, मज्जाले उमालिन् र त्यो पानी श्रीमानको यौनाङ्गमा खन्याइदिइन्।

तातोपानीले ती पुरुषको यौनाङ्गमा क्षती पुगेपछि उनलाई अस्पताल भर्ना गरिएको छ।