कञ्चनपुरमा बसले ठक्कर दिँदा एक महिलाको मृत्यु 

धनगढी: कञ्चनपुरमा बसले ठक्कर दिँदा एक महिलाको मृत्यु भएको छ। बुधबार बिहान महेन्द्रनगरबाट धनगढीतर्फ आउँदै गरेको ना ४ ख ८०७५ नम्बरको बसले ठक्कर दिँदा साइकलयात्री वेदकोट नगरपालिका-७ की २८ वर्षीया विमला जोशीको मृत्यु भएको प्रहरीले बताएको छ।

उनलाई सडक पार गर्दै गर्दा वेदकोट-७ स्थित पूर्वपश्चि राजमार्गमा बसले ठक्कर दिएको बताइएको छ। बस चालक भीमदत्त नगरपालिकाको वनगाउँका ४० वर्षीय राजेन्द्रप्रसाद जोशीलाई नियन्त्रणमा लिएको जिल्ला ट्राफिक प्रहरी कार्यालय कञ्चनपुरका प्रमुख प्रहरी निरीक्षक उमेश चन्दले बताए।