कञ्चनपुरको शुक्लाफाँटामा एमाले जित नजिक, कांग्रेस पछिपछि
२०७९ जेठ ८, ०१:०६
धनगढीः कञ्चनपुरको शुक्लाफाँटा नगरपालिकामा मतगणना कार्य अन्तिम चरणमा प्रवेश गरेको छ। निर्वाचन अधिकृतको कार्यालयका अनुसार अहिलेसम्मको मतगणनामा नेकपा एमालेले अग्रता कायमै गरेको छ।
एमालेबाट मेयरका उम्मेदवार रणबहादुर महराले ६ हजार ६७४ मतका साथ अग्रता कायम गरेका हुन्। यस्तै उनलाई पछ्याइरहेका नेपाली कांग्रेसका चीन्तामणी भट्टले ६ हजार १७८ मत ल्याएका छन्। त्यस्तै नेकपा माओवादी केन्द्रका उम्मेदवारले ५ हजार ७३४ मत पाएका छन्।
उपमेयरमा भने नेपाली कांग्रेस अगाडी छ। नेपाली कांग्रेसबाट उम्मेदवार बनेकी कल्पना कुमारी जोशीले ६ हजार ४३० मत पाएर अग्रता गरिहेकी छन्। उनलाई नेकपा एमालेकी मोनिका कुमारी भण्डारीले ५ हजार १८३ मत ल्याएर पछ्याइरहेकी छन्।
कमेन्ट लोड गर्नुस