निषेधाज्ञाको पालना गराउन खोज्दा झडप, डीएसपीसहित ६ जना घाइते
काठमाडौं: रौतहटमा निषेधाज्ञाको पालना गराउन खोज्दा प्रहरी र स्थानीयबीच झडप भएको छ।
झडपमा इलाका प्रहरी कार्यालय गरुडाका डिएसपी द्वारिका घिमिरेसहित ६ जना प्रहरी घाइते भएका छन्।
रौतहटको गरुडा नगरपालिका ९ को गेडहिगुठी टोलमा निषेधाज्ञाको बेला चर्को लाउडस्पिकर बजाएर जन्ती जान लागेको टोलीलाई प्रहरीले रोक्न खोजेको र सम्झाइ बुझाइ गर्न खोज्दा घेरा हालेर आक्रमण गरिएको जिल्ला प्रहरी कार्यालय रौतहटले जनाएको छ।
निषेधाज्ञाको पालना गराउन खटिएको प्रहरी टोलीमाथि आक्रमण गरेको भन्दै प्रहरीले दुई जनालाई पक्राउ समेत गरेको छ।