बझाङमा नेपाल टेलिकमको सेवा आशिंक रुपमा प्रभावित
प्रताप ओली, बझाङ: बझाङमा आइतबार बिहानदेखि नेपाल टेलिकमको सेवा आशिंक रुपमा प्रभावित भएको छ ।
केदारस्युँ गाउँपालिकाको केदार डाँडामा रहेको रिपिटर टावरमा समस्या आएपछि सेवा प्रभावित भएको नेपाल टेलिकम डडेल्धुराले जनाएको छ ।
फोरजी रुट श्रीवारस्थित जिल्लाबाट सिधै बान्तालेक हुनाले चलिरहेको र अन्य सेवाहरु सबै श्रीभावर, केदार हुँदै बान्तालेकसँग जोडिएकाले फोरजी बाहेक अन्य सेवा प्रभावित बनेका हुन् ।
केदारको टावरमा केहि दिनदेखि फोरजी सेवा दिने काम भइरहेको र विद्युत सञ्चय कम हुँदा सेवामा अवरोध आएको हुनसक्ने सुदूरका पहाडी जिल्ला हेर्दै आएको नेपाल टेलिकम डडेल्धुरा शाखाका प्रमुख प्रकाशराज भट्टले बताए ।
केदारको टावर हेर्दै आएका व्यक्तिलाई सम्पर्क ल्याउन प्रयास भइरहेको टेलिकमले जनाएको छ ।
केदारको टावरमा समस्या उत्पन्न हुँदा वित्थडचिरको देउलेख र बुंगल नगरपालिकाबाहेकका सबै ठाउमा टु जी र फोन सेवा प्रभावित बनेको छ ।
