एक अर्काको सहरामा जोखिम मोलेर खोला तर्न बाध्य विद्यार्थी

प्रधानमन्त्री केपी शर्मा ओली हरेक भाषणमा तुईन व्यवस्थापनको कुरा जोडतोडका साथ उठाउन गर्दै आएका छन तर दार्चुलाका वासीन्दा भने तुईन समेत नपाएर जोखिमको यात्रा गर्न बाध्य छन् । जिल्लाको व्यास गाउँपालिका ३ सीनाका विद्यार्थीहरु विद्यालय आवतजावत गर्दा जोखिम मोलेरै खोला तर्न बाध्य छन् । बर्खाको समयमा पनि उनीहरु स्थानीय घट्टेखोलामा आवतजावत गर्न बाध्य छन् । 

02.jpg

सो क्षेत्रका विद्यार्थीहरुले कक्षा ५ उत्तिर्ण गरेपछि सोही खोला भएर अर्को विद्यालयमा जानुपर्छ । सिद्धमावि सिनामा अध्ययनरत १ सय २५ जना विद्यार्थीको आवतजावत त्यहि खोलाबाट हुने गरेको विद्यालयका शिक्षक पदमराज भट्टले बताए । कक्षा १ देखि ५ सम्मको विद्यालय गाउँमै रहेको छ । खोलामा विद्यार्थीहरु एक अर्काको हात समोतर वारीपारी गर्छन् ।